Empowering Chin learners worldwide

Kan Cawn, Kan Thiam, Kan Chim

Cawnnak Innka Tawh

Laiholh in Baibal, theology, le Pathian rian lei cawnnak ah a si. Cun, khrihfabu rian le chanthar nun ah thiam a herhmi computer le software hman ning ti bantuk Laiholh in cawnnak hmun a si. Na thiamnak le cawn na duhmi he aa tlak ning in na cawng kho. Cawnnak le thiamnak vawlei ah na luhnak innka tawh cu nangmah kut ah a um ko.

Cawnnak Innpi Kong

ZOOM in sianginn chung cacawn bantuk in cawn a si. Assignments, Forum Discussion, Quizzes, le Examinations cu online in na tuah hna lai. Cawn na cawn i tuah awk na lim ahcun sungh ti a um lo. Certificates in Master Degrees tiang cawn kawh a si. Chin Academy ca cawnnak innpi cu zapi ca ah kan hun. Kan in sawm!

Cawnnak Theipar Kong

Degree laknak lam hnih kan ngei. ATESEA cohlan mi programs cu PBTS-SEE Ulsan Center ah na lak khawh. IELTS Band 7.0 lole PBTS English Test ah 80% na hmuh a hau. Cun, International University of Cultures and Arts pekmi degrees laknak lam a um fawn. Doctorate cawnnak lam kan kawl lio. Na tuhmi cawnnak thlaici cu amah caan ah thei a tlai nakhnga a lam kip in kan izuam ṭi lai.

Our Offerings

Alang in cacawnnak

“Dawtnak kong ah kum nih lai rel hlah,” an ti tawn. Pathian Bia cawnnak ah kum nih lai a rel lo. Na kum, na rian, le na catang kha na duhnak dawn tu si ter hlah. Na cawnnak nun lam ah lungthote le theima tein kan in tlawn pi lai. Lai holh, Lai nunphung, le Lai ruahnak kan hman. Cawn a zuam mi poah cawn khawh a si.

Rel Chap

Akaupi in Cawnnak

Cawn ding area pali an um: General Education, Biblical Studies, Theological-historical studies, le Practical studies hna an si. Kan course paoh ah practical lei kan papek. Pathian Bia nung cu mi vialte sinah a phanh pi tu Thawngṭha Palai na si ding kan duh. Kan tlaihtleng cu “Kan Cawn, Kan Thiam, Kan Chim” ti a si. “Thiam” le “Chim” karlak ah hin “Kan Tuah” ti a um.

Rel chap

Degree Programs

Master of Divinity phun hnih, Master of Arts phun thum, Bachelor of Theology, le Certificate phun thum ti bantuk in program phun phun kan ngei. Chin Academy cu kan dirh kaate a si caah degree pe kho kan si lo. Ca cawnnak hmun lawng kan si. Degree cu Philippine Baptist Theological Seminary lole International University of Cultures and Arts nih an ipek hna lai. Luhnak le Awnnak ri an khiahmi tlinh a herh lai. Na tlinh nakhnga kan izuam ṭi lai.

Rel chap

Empowering Chin (Lai) Community Worldwide

Chin Academy is a hub of lifelong learning, offering courses in cultures, languages, literatures, religions, and theology to Lai speaking Chin people everywhere. Explore our online learning opportunities at your own pace or engage in live ZOOM classes. Partnered with a school, we provide accredited degrees in Christian theology and ministry.